Empties 1 .. اشياء خلصتها !

اليوم بتكلم عن منتجات خلصتها خلال الأشهر الماضيه

 

نبدأ بالشموع :

أستهلك الشموع بشكل موطبيعي وبطلت اشتري من أي محل عدا باث اند بدي

لأن ريحتها فواحه وقويه وتثبت في البيت ..

من فوق لتحت :

Sundress White Barn

الريحة ريحة مزارع حلوة اخذت منها ثنتين مو لأنها مرة عاجبتني كانت الوحده ب25 فاخذت ثنتين

Snow Day Candles

ريحتها شتويه بحته مره جميلة بس للأسف رجعت مالقيتها 

ريحتها نعناع وفانيلا 

Watermelon Lemonade

الريحة ريحة ايس كريم كنت اكله وانا صغيرة 

ريحة حمضيه مع شيء سويتي 

Springtime In Provence 

 ريحتها توت وخوخ فيها شوي حمضيه

حلوه بس مو فواحه ..

 

الشموع ابدا مو من النوع اللي ارجع اشتري الا بالنادر

فما راح ارجع اشتريها

 

 

الاستحمام:

الشامبو من اورقانكس

بعلاج الكيراتين البرازيلي

وقت استخدامه كان عاجبني ومره مرتاحه معاه بس كان معي تساقط وانا

رابطته ببعد الولادة أنه لازم يطيح الشعر

بس بعد ماوقفته شريت من نفس الماركة بس نوع ثاني

وقف التساقط ..

ماراح ارجع اشتريه

 

مقشر من سوب اند جلوري

 Smoothie Star Breakfast Scrub

المقشر بالنسبة لي يختلف عن كثير من المقشرات

انه ثقيل بس سهل المد حبات التقشير كبيرة بس ماتأذي الجلد

الريحة شيء ثاني ناعمه وثابته

يعطي ترطيب ومايجفف الجسم

بعد ماجربت كم مقشر عرفت انه هو المميز بالنسبة لي

برجع اشتريه

 

shower gel yummy mummy

ريحته لافندر من لش

حلو بس ماراح ارجع استخدمه

 

 

 

الترطيب :

hope in jar

الكريم يحتوي على الاكتيك اسيد اللي يساعد على بشره ناعمه ,

وفيه البيتا جلوكان اللي يساعد البشرة على انها تكون صحيه وفيها مضادات الاكسده ممتازة لحماية البشرة من مؤثرات البيئه السلبية ..

من أفضل الكريمات اللي استعملتها يعطي لمسة ناعمه وومره جميل قبل الميك اب  ..

ماراح ارجع استخدمه ودي اجرب شيء جديد

 

زبدة الكاكو من بالمرز

ترطيبها عميق وممتازة وقت الحمل يقعداكثر من 24 ساعه والجلد  مترطب

وهذا الشيء مهم عشان يقاوم الخطوط اللي تجي وقت الحمل

راح ارجع اشتريه

 

زبدة العسل من بودي شوب

 

وقت ماشتريتها كانت عاجبتني كترطيب وريحة

بس حملت وتوحمت عليها

وكرهتها مررررة

ماراح ارجع اشتريها

 

جلي سوليد

الكريم قديم بس طلعو منه بالبابونج

في بيتنا نشتري منه بالدرزن مره كويس للرجول

يرطبها ويوحد لونها

 

 

 

العطورات

 

شانيل شانس اوفايف

الريحة حمضيه لان فيه قريب فروت وبعد ماتثبت على الملابس

تتحول لمسك .. العطر خلصته بسرعه عجيبه

مامليته ابدا

بس ماراح ارجع اشتريه بجرب شيء جديد

 

من فكتوريا سيكرت انجل

حلو للبيت وعلى غير عادة فيكتوريا سيكرت

احس هذا العطر يطول بالثبات

ريحته ورد

 

penhailgons

ريحته فانيلا مع مسك

من الروايح الي ما امل منها

عيبه مو متوفر بالسعوديه

 

 

بي بي كريم من غارنيه

 

جتني فترة استخدمه بشكل مستمر على ان درجاته محدوده الا انه يندمج

مع البشرة بطريقة بيرفكت

ناسب بشرتي الجافه

يمكن هذي ثالث علبه استخدمها

بس استغنيت عنه بعد بيبي كريم الف

 

رغوة الشعر من wella

الصراحه منتجات الشعر وتثبيت الشعر مو من اهتماماتي

اخذ اللي قدامي هذا استخدمه وقت ما ابغى الويفي يكون مرتب مو فوضوي

يثبت لي اياها بدون مايعطي الشكل اليابس

 

كحل فضي من سيفورا

ماخلص بس من زمان عندي وما استخدمته

ما اعجبني يقشر ويسيح

 

كونجاك سبونج

كتبت عنها ممتازة للاستخدام اليومي ولها بديل من فيس شوب

مافيه فرق بينهم

اكيد راح ارجع اكرر شرائي لها ..

 

 

السيروم المقشر من سيفورا .. Renew & Peel Super Serum

اليوم بتكلم عن نوع من السيروم من سيفورا يوعد انه يطور البشرة

على المدى البعيد ..

اسمه Renew & Peel Super Serum

 

 

يوعد المنتج بالتقليل من التصبغات والمسام ..

يعطي للبشرة الصفاء والسلاسة بعد الاستخدام .

من الاشياء المهمه اثناء الاستخدام :

يستخدم وقت الليل ويبعد عن منطقة محيط العين ..

اثناء استخدامه يفضل عدم التعرض للشمس الا بواقي لانه من الانواع المقشرة

اللي داخل فيها حمض الفا هيدروكسي

 

المنتج عبارة عن سيروم مائي

خفيف جدا على البشرة..

 

 

 

رائي بالمنتج :

-المنتج اعطيته فرصة طويله لمدة اكثر من 3 شهور تقريبا

وللاسف اني ماشفت منه ولاشيء ..

خلال فترة الاستخدام الكامله ماقد لاحظت الا مرتين بتغيرات

مره كان فيه حبوب بيضاء بعد مااستخدمته تقشرت

ومرة بعد استخدامه طلعت بخدودي حبوب حمراء صغيره

واختفت بعد يومين

 

توقعت انه راح يعطي على الاقل نظارة او ترطيب بس خيب ظني

بالنسبة لي شرب الماء يعطيني تاثير اكثر منه ..

 

تقييمي له 0-5 ماله فايدة

راح استخدمه عشان بس ماتتراكم عندي المنتجات ..

 

 

WHAT'S In My KATE SPADE Bag .. ريفيو : شنطتي من كيت سبيد ..

 

 

 

اليوم حابه أتكلم عن شنطتي من كيت سبيد والجزء الاخير

راح يكون وش في شنطتي او what's in my bad

 

الشنطة صار لها عندي سنه تقريبا  ومن الشنط اللي ماندمت عليها

 شكلها مرتب تصلح للعزايم وعملية بنفس الوقت

 

 

لونها عودي غامق لون يمشي مع كل شيء ويناسب تقريبا كل شيء

.فيه من أحجام هذي cedar street maise

فيه الميني ماتشيل شيء ابدا ..

 

الحدايد ذهبيه واحسها لابقه مع اللون

من جوا تقدر تتحمل اغراض محدده يعني حركات كل شيء بالشنطة ماتناسبها

عشان كذا ناسبتني لاني اكره فوضى الشنط

 

عيبها انها ضيقه من فوق اذا دخلت يدي تعورني الحدايد

 

جزء الكياته بالشنطة هذي الميداليه تجي مفصوله بسعر خاص فيها

مره حبيتها وحبيت الفكره خصوصا ان موضة اكسسوارات الشنط منتشرة

زي السكارف و الفرو والميني باقز

 

 

تقدرين تشيلنها بشكلين -كروس بودي - وعلى االمعصم اعتقد كذا اسمه

لما تشيلينها ك كروس ولا كأنك شايلتها مره خفيفه

 

 

نجي للجزءاللي احبه

اللي يعرفني يعرف ان عندي هوس مقاطع وتس ان ماي باق

احب اتفرج ايش اهتمامات الناس

بالنسبة لي بحياتي ماقد صارت شنطتي فوضويه ابدا

يعني مني من الناس اللي تخلي الفواتير والعلوك :D

بعد كل طلعه افضي الشنطة وارتبها وامسح كل شيء بمناديل معطره

 

من فوق فيه بوكي من جوسي كوتور مره ثقيل ماحبيته مره

بعده نظارتي الشمسيه ومعقم من باث اند بودي ريحته يمي كب كيك

وعطر جورج ارماني si

الشيء الابيض الفوطه اللي تكبر اذا حطيتي عليها مويه احب اخذها معي خصوصا للمطاعم

ربطة شعر

ارواجي المفضله 

craving mac

sanpaulo NYX

 

رابط سعرها من موقعهم  هنا

 

الميداليه من هنا

 

 

 

MAC .. NARS and MAYBELLiNE Concealer ريفيو عن أشهر ثلاث كونسيلرز ..

اليوم بتكلم عن 3 كونسيلرز تعد من اهم الكونسيلرز وكثير بنات يسالون عنها فحبيت

 اجمعها بتدوينه .. الشيء اللي بنبه عليه انه مو مهم انه تكون عندك كلها شوفي أي واحد يكفي

 احتياجاتك وقرري نبدأ ::

 

 

كونسيلر رادينت من نارس Nars Radiant Creamy Concealer

درجتي فيه :biscuit

العلبه عملية بلاستكيه قويه ..

اول ماقريت عنه حسيت المدح مبالغ زي كثير منتجات

بس بعد كم طريقة ميك اب في اليوتيوب حسيت انه شيء ممتاز

اخذته من سيفورا امريكا

تجربتي معاه :

هالاتي مو ذاك الوضوح بس وقت التعب

تبين شوي ..استخدمته مع البيوتي بلندر بدون كوركتر النتيجه

مره ممتازة ..اللي حبيت فيه انه مره كنت مستعجله ومارطبت منطقة تحت العين

مافرق شيء ابدا ولما قريت عنه طلع فيه نسبة ترطيب ممتازة ..

تغطيته : عاليه ..

مايخطط ابداً 

 

كونسيلر ميبيلين فيت مي

درجتي فيه 25

العلبه نفس الشيء ممتازة بلاستيكيه تصميمها مشابه لنارس يعني التعامل معهم سهل ,,

الكونسيلر احبه للطلعات السريعه وقت مايكون فيني هالات يعطي

اشراقه لتحت عيني .. استخدمه مع بيوتي بلندر خفيف مره ماتحسين

ان منطقة عينك مجهده لا كأن ماعليها شيء

يحتاج مرطب قبله خصوصا لبشرتي الجافه

تغطيته عاديه

يخطط بعد كم ساعه ..

 

كونسيلر ماك برو لونق وير

درجتي فيه NC42 

العلبه زجاجيه جدا سيئه كثير بنات ارسلو لي انه انكسر عليهم :(

قبل نارس كنت احبه مره بس اللحين احبه بس شوي :D

وقت ماتكون هالاتي قويه مستحيل استخدم غيره بعد الكوركتر

بس لاني بشرتي جافه لازم ارطب المنطقة جيدااا

يعطيني تغطية كامله وجميله ..

 خفيف على البشره

بس الشيء اللي يحيرني انه بعض الاحيان يخطط وبعض الاحيان لا

مع انه طريقتي وحده ..

  ليه فضلت نارس عنه .. العلبه والتوزيع والترطيب افضل من ماك .. بس الاثنين لازم يكونون عندي

 

 

 

 

أرواجي للشتاء 2015

بما أننا قربنا نودع الصيف ونرحب بالشتاء

بالنسبة لي مكياجي يتغير بشكل بسيط

يعني اميل لأشياء المطفيه _المات_

أحب الالوان الدافيه والغامقه

 

 

من هنا حبيت اوريكم اختياراتي لأرواج الشتاء لهذي السنه

في بعضها كنت مدمنتها بالصيف وراح استخدمها بالشتاء الوانها محايده ومرتاحه لها

 

 

 

- من ماك velvet teddy

لونها بيج واضح .. مطفيه .. بالعلبه لونها غامق بس لما تحطيها

اللون يختلف شوي .. حبيت انها ماتنشف الشفايف ابدا ..

اللون يناسب البشرات الفاتحه الى المتوسطه

 

 

-من ماك mehr

اللون يجنن يجنن عجزت أعبر عن جماله

اللون فيه بنك على تكة موف ..

كثيرباليوتيوب يتكلمون عنه انه نفس روج كايلي

بس احس لا لونه مافيه لمحة نود ابد

مطفيه .. اللون مناسب لجميع البشرات

بس الحنطيات بيعشقونه كانه مخلوق لهم ..

 

-ماك rebel

اللون موف غامق .. ساتن .. اللون شتوي مميز

ماهو من الانواع اللي تعطي حده فيه لمحه ورديه ..

نوعية الارواج من ماك لما تختفي

تعطي لون خفيف مره جمييييل

يناسب جميع البشرات ..

 

- أبو ظبي من NYX

اللون نود .. اللون طبيعي صباحي يعطي مظهر صحي

مات .. يناسب البشرات الفاتحه الى البرونزيه

 

-leather  من كولور بوب

 

مات .. اللون بنفسجي غامق جدا .. مسائي ..

اللون مطفي بس سهل الامتداد على الشفايف ..

يحتاج مكياج كامل ..

 

ميبيلين 50

النوع هذا من ارواج ميبيلين مانزل بالسعوديه

بس جد ممتاز ياليت ينزل عندنا ..

هذا اللون كرفته بالصيف كرف لونه نود على بنك

خفيفه ولا كنها مات تستحق الشراء ..

 

 

وبكذا اكون خلصت ارواج اللي ناويه استخدمها بالشتاء

مااخفي عليكم انه ناويه استخدم كل ارواجي بس هذولاء السته هم

اللي راح اعتمدهم برا البيت ..

 

 

 

 

 

 

 

 

 

 

Peony and Blush Suede -jo malone عطري من جو مالون ..

 

 

كل عام وأنتم بخير

كيفكم بنات وكيف عيدكم ؟!

 

اليوم بتكلم عن عطور جو مالون

المحل مجملا مرة راقي حتى موظفينهم مرة ممتازين

يعطون كل زبون اهتمامهم حتى لو ماراح يشتري

 

من فترة نفسي بعطر زهور بس ثباته عالي

 

 

 

وقع اختياري على  Peony and Blush Suede

على كلام الموظف انه الاكثر مبيعا والتوب ون بالمحل

 

 

 

الريحة خيااااال جد مرة جميله مناسب لجميع الاوقات

مكوناته من الموقع

 

العليا : التفاح الاحمر

الوسطى :البيوني . الياسمين القرنفل

القاعده: جلد الغزال

 

الثبات : بعد ست ساعات اختفت الريحةا لفواحه بس

بقى اثر العطر لمدة خمس ايام على التيشيرت

 

 

 

 

 

 

 

فروعه منتشرة بس انا شريته من غرناطة

سعره 610 ..

 

 

ماسك جل الخيار من Peter Thomas Roth

Peter Thomas Roth Cucumber Gel Mask

اليوم بتكلم عن ماسك من ماركة نازله جديد في سيفورا الرياض

على كلام اللي تشتغل هناك  ..

 

 

 

عبارة عن جل بالخيار يوعد بانه يكون :

منعش ..

يبرد البشرة

يرطب

ومهدىء للبشرة الجافه والمتهيجه.

 

داخل بتركيبته البابايا ..والاناناس والبابونج والبرتقال والليمون والتوت

 

كيف يستخدم : طبقة من الجل على بشرة نظيفه

لمدة عشر الى خمس عشرة دقيقة

يغسل بموية باردة ..

 

اذا كنت تبغاها علاج بارد وقت الصيف : احتفظي فيه بالثلاجة

لو حابه تحطين طبقة خفيفه وتنامين فيها ابضا عادي.

 

 

 

 

رائي النهائي انه منتج عادي جدا خصوصا انه مايعطي نداوة للبشرة بعد

ازالته ..

 

يحتاج ترطيب للبشرات الجافه ..

 

ماراح ارجع اشتريه لانه غالي شوي على انه

مايسوي شيء الاتبريد البشرة

فيه ماسكات مثله ارخص منه تسوي نفس مايسوي بالضبط

 

سعره ب185

من سيفورا بانوراما مول ..

 

 

 

 

Rebecca Minkoff review .. شنطتي من ريبيكا مانكوف..

 

اليوم بتكلم عن شنطة من ربيكا مانكوف نوعيتها

rebecca minkoff mab mini tote

 

كنت ابغى شنطة ميني بس ما ابغى ادفع عليها مبلغ كبير

فحسيته هذي مناسبه

 

تجي بدست باق مره قوي يحفظها من الخدش

هنا صورتها من ورا

 

 

وهنا من قدام فيها جيب بس ماتقدرين تحطين فيه شيء :(

 

 

 

لك هنا خيارين تشيلينها فيه

تقدرين كروس بودي او على اليد

بس انا فضلت الكروس بودي

 

 

بالنسبة للاشياء للي تتحملها على انها صغيره الا انها شالت

عطر وروج وكارد هولدر ومعقم وجوال ..

 

 

 

احلى شيء فيها لاني اصنف من الطوال طولي 169 الا انه السير تبع الكروس بودي

طوله مناسب فالشنطة ماهي شاطحه وطالعه كانها حقت اطفال لامرة مناسبة لطولي و

جسمي ..

 

 

جتني طلبيه من النوردستروم ب198 دولار من دون التاكس

لان التاكس يختلف من ولاية لولايه ..

 

 

 

 

 

مفضلات أغسطس .. ِAugust Favorites

 

مفضلات سبتمبر :

 

أكثر مفاجاءة تغث لما تكتشفين انه واحد م مواضيع المدونة منحذف

شعور يبكي :( مفضلات الشهر اللي قبل اللي فات انمسحت وانقهرت مره

بس خيره ان شاء الله ..

 

 

 

تكلمت عنهم بالانستجرام . الارواج جدا جميله ثباتها متوسط 

وواذا اختفت ماتعطي منظر المحدد .. مات بس ماتشقق او تدخل بالخطوط ..

الشهر اللي فات استخدمتها بشكل كبير بكل وقت

 

 

 

الباليت غني عن التعريف رجعت له بقوة لان كان عندي مناسبات

بصراحه ماوصلت لدرجة الاحتراف اللي تخليني اقول اني اعرف اسوي

شادو بس مع باليتز نيكد مره سهل انك تسوين شيء نظيف ومرتب حتى لو انت

ماتعرفين .. اهم شيء ابدئي بعينك قبل الفاونديشين عشان تضمنين

مكياج نظيف ..

 

 

مناكير جل من محل بامريكا سعره رخيص

بس مره سلس وحلو على البشرات الحنطيه

ينشف بسرعه يتخدش بعد يوم ونص تقريبا ..

 

مزيل مناكير برجوا لليدين والارجل :

اختراع بطل بغض النظر عن ريحته

ماسبب لي جفاف على ان الكل قال انه يجفف

مره اختصر علي وقت كنت استهلكه بتنظيف المناكير ..

 

 

فرشاة مشطوفة من مكياجي

من الاشياء اللي اعتقد انه افضل شيء بالنسبة لي

شعرتها بيرفكت متوسطه مو كبيرة ولاصغيره ,,

تمسك اللون مرة بيرفكت ..

 

 

ثاني علبة استخدمها . وصفته لي الدكتورة وقت حملي , بس يبغى له طولة بال

يعني النتايج تطلع من ثلاث الى اربع شهور ..

*استخدمته وقت حملي عشان التشققات والحمد لله مرة كويس ماطلع لي شيء ..

*اثار الجروح بعد كم شهر اختفت من يديني

*المناطق الخشنه مرة حلو راح استخدمه وقت اطول ..

 

 

مو صحبة مع المثبتات بس هذا من لوريال مرة

اعطاني مظهر طبيعي مو الشعر المتخشب ..

اهم شيء بعدي البخاخ عن شعرك عشان ما يطلع لون على نفس الشعر ..

 

 

si من جورج ارماني

 

ريحته خفيفه ومنعشه تبقى على الملابس بطريقة لطيفه ..

ما اعرف اوصف بس الريحه اللي تنشم بس ماهي مزعجه وقويه

يارب فهمتو علي ..

 

 

 

منتجات من سليك .. Products From Sleek ..

 

 

 الفترة اللي راحت كتبت عن مكياجي من Elf وكان نسبة المشاهده عاليه مره

فقررت بين فترة وفترة راح انزل عن ماركة معينه واكتب عنها بالتفصيل

ورائي فيها

اليوم راح يكون عن تجربتي عن ماركة سليك

بعد ماوفرتها وايتس جدا انبسطت على انه ماقد جربتها بس

كانت تحمسني الريفيوز باليوتيوب

اسعارها مناسبه وجودتها عاليه

 

 

روج مات : الدرجه مره حلوه بس ماتناسب البنات الحنطيات ابدا

ويجفف الشفايف ويدخل بين الخطوط

درجته 435

ماراح ارجع اشتري منهم هالنوع ..

 

 

 

 

كيت الحواجب :

 

الدرجه :Dark

عبارة عن بودرة وجل وفرشاتين وملقاط

الصدق عنيد روتين معين للحواجب ومره ماشي معي بيرفكت

بس قررت اجربها بس هي واشوف

نوعية حواجبي خفيفه وفيها فراغات

من نص الحواجب الى النهاية استخدمت الجل ومن البداية بس بودرة

عطاني حواجب مرة طبيعيه بس الفرشاة اللي معاه فاشلة

جدا ممتاز حتى على الحواجب الكثيفة

اختي جربته مره يجنن مايعطي اللوك الحاد لا يرتب حواجبها

بشكل طبيعي ..

 

 



 باليت البلشر الثلاثي :)

 

اسمه Sugar

الالوان من اليسار الى اليمين

turbinado-muscovado-demerara

 

مره يجنن مااتخيل في الدرق ستور ولا الهاي اند راح القى ثبات

مثله

ثبات قوي بدرجة مره خياليه

وبقمنت لحد انه لازم تاخذين بكمية معقولة عشان مايطلع شكلك مبقس :D

مره حبيته وحبيت حجمه تقدرين تنقلينه وقت السفر ويخفف عنك ثلاث

انواع بلشر ..

 

 

 كيت االكنتور

الدرجة : ميديم

أنا مو فنانة بالكنتور ابدا ودايم اتحسف لما احطه بس

مع هذا مرة يصير شيء سهل

ملاحظه انا ماقد جربته بكنتور الانف لانه ما احب شكل الكنتور على الانف يبين مصطنع

ب على الوجه تعرفين لمايصير شيء مره دافىء ووجهك كذا متحدد المعالم بس مو مبين

 كذا يصير .. دمجه سهل

الهايلايت حلوه بس مو واو

لا عاديه مقارنه باللي عندي..

 

 

 

 

يارب يكون عجبكم وتعليقاتكم تسعدني :)