3abeer Blog
السبت، 1 أكتوبر 2016
مفضلات شهر سبتمبر ..
السلام عليكم كيفكم بنات من زمان ماكتبت عن مفضلاتي فحبيت انزل الاشياء اللي حبيتها
هذي الفترة يالله نبدأ ..
مفضلات المكياج
بلشر من انجلوت درجته 30
اللون على اورنج مو زي الصورة على بنك
الملمس للبلشر جدا ناعم ومخملي درجة الوضوح مو مرة يحتاج كم
مسحه بالفرشاة عشان يكون واضح منظره على البشره صحي
مره يناسب الدرجات الحنطيه يعطي لمسه دافيه للوجه
من elf high definition undereye setting powder
عليه تقييم عالي جدا بموقع أي هيرب وفي كم يوتيوبر قارنوه مع لورامارسييه
خامة البودره غريبة كانها شيء ناعم بزيادة طبعا شفافه
استخدمها بعد الكونسيلر يعطي ثبات للكونسيلر ويبعد الخطوط الغير محببة
داخل في تركيبه فيتامين k , c ..
التعليب شوي يوصخ واعتقد ان كل البودرات السايبه نفس الفكرة ..
جدا يغير بالمكياج ويعطي مظهر حيوي للعين مع ان سعره رخييييص الا انه مستواه عالي
كونسيلر نارس درجتي Biscuit
قد كتبت عنه وارجع اقول انه من اجمل الاشياء اللي جربتها
مايعطي أي مظهر مصطنع ويعطي ترطيب للعين مايخطط
رجعت سيفورا يوفرونه ..
تغطيته ممتازه للهالات وبالنسبة لي ما استخدم معاه أي مصحح ..
محدد من ماركة
forever52
الدرجة f128
لونها وردي مايل على نود تقريبا
حبيت لونه كبيس لكل الارواج الفاتحه يثبت الروج ويعطي لون موحد
واستعمله لحاله بعد لونه حلو
اول مره استخدمته كان شوي ناشف بس مع الاستعمال صار مرن وعلى طول
يوضح
فرشاة من real techniques
نوعها angled brush
الفرشاة فضيعه لتوزيع البرونز والهايلايتر
بس حبيتها مع البرونز اكثر عملية ودمجها سريع
شعرها ناعم بس يمسك اللون على طول
sephora dramatic volum mascara
الماسكرا البيرفكت تعطي طول وسواد وكثافه وعكفه
من جد كاني مركبه رموش بشكل جميل
بس بالبداية كانت سايله بزيادة فتلطخ بعد كم استعمال صارت بيرفكت
عيبها انها صعب تطلع من الرموش يروح نص المزيل وانا افركها
بس تستاهل سعرها وتستاهل المدح اللي يجيها ..
مفضلات العناية والنظافة
كريم العين من ذا فيس شوب the smim
رأس الكريم عصار حديدي بحيث انك توزعينه فيه
الراس نفسه فيه برودة حلوة والمنتج بسرعه تمتصه البشرة
ريحته جميلة وترطيبه عالي وخفف لي من الخطوط اللي تطلع مع الكونسيلر
عيبه الوحيد ان كميته بسيطة وسعره مرتفع ب190
كريم اليدين من nubian
الماركة هذي ممتازة جدا للترطيب هذا الكريم ثاني علبة استخدمها ترطيبها عالي ماتدبق
وتساعدعلى توحيد لون اليد
داخل في تركيبه الصبار والشوفان وفيتامين أي ..
عطر من فيكتوريا سيكرت للجسم
اسمه body by victoria
ريحته ناعمه تناسب البيت وخفيفة ماتخنق
هذا الشهر استخدمته مرة كثير ..
من مفضلاتي واعشقها هذي الاسوارة من توس
الاساور اللي تجي كذا مره مالقيت شيء يناسبني دايم كبيرة بشكل مو طبيعي
هذي ماسكه على يدي واللولو اللي فيه مره جميل :)
رسائل أحدث
رسائل أقدم
الصفحة الرئيسية
الاشتراك في:
الرسائل (Atom)