الأحد، 8 نوفمبر 2015

أرواجي للشتاء 2015

بما أننا قربنا نودع الصيف ونرحب بالشتاء

بالنسبة لي مكياجي يتغير بشكل بسيط

يعني اميل لأشياء المطفيه _المات_

أحب الالوان الدافيه والغامقه

 

 

من هنا حبيت اوريكم اختياراتي لأرواج الشتاء لهذي السنه

في بعضها كنت مدمنتها بالصيف وراح استخدمها بالشتاء الوانها محايده ومرتاحه لها

 

 

 

- من ماك velvet teddy

لونها بيج واضح .. مطفيه .. بالعلبه لونها غامق بس لما تحطيها

اللون يختلف شوي .. حبيت انها ماتنشف الشفايف ابدا ..

اللون يناسب البشرات الفاتحه الى المتوسطه

 

 

-من ماك mehr

اللون يجنن يجنن عجزت أعبر عن جماله

اللون فيه بنك على تكة موف ..

كثيرباليوتيوب يتكلمون عنه انه نفس روج كايلي

بس احس لا لونه مافيه لمحة نود ابد

مطفيه .. اللون مناسب لجميع البشرات

بس الحنطيات بيعشقونه كانه مخلوق لهم ..

 

-ماك rebel

اللون موف غامق .. ساتن .. اللون شتوي مميز

ماهو من الانواع اللي تعطي حده فيه لمحه ورديه ..

نوعية الارواج من ماك لما تختفي

تعطي لون خفيف مره جمييييل

يناسب جميع البشرات ..

 

- أبو ظبي من NYX

اللون نود .. اللون طبيعي صباحي يعطي مظهر صحي

مات .. يناسب البشرات الفاتحه الى البرونزيه

 

-leather  من كولور بوب

 

مات .. اللون بنفسجي غامق جدا .. مسائي ..

اللون مطفي بس سهل الامتداد على الشفايف ..

يحتاج مكياج كامل ..

 

ميبيلين 50

النوع هذا من ارواج ميبيلين مانزل بالسعوديه

بس جد ممتاز ياليت ينزل عندنا ..

هذا اللون كرفته بالصيف كرف لونه نود على بنك

خفيفه ولا كنها مات تستحق الشراء ..

 

 

وبكذا اكون خلصت ارواج اللي ناويه استخدمها بالشتاء

مااخفي عليكم انه ناويه استخدم كل ارواجي بس هذولاء السته هم

اللي راح اعتمدهم برا البيت ..

 

 

 

 

 

 

 

 

 

 

هناك 5 تعليقات:

غير معرف يقول...

جميله جداً ألوان ماك و NYX إن شاء الله بتكون ألواني للشتاء أما الألوان البنفسجيه رغم حبي لها بس ما أقدر أستخدمها يبيلها جرأه :)

Abrar Gassem يقول...

عندي فيلفت تيدي , جميل
انا اميل للبنيات 3>

Abeer Blog يقول...

من جد بس حاولي راح تدمنينها

Abeer Blog يقول...

جميييل شكرا لك

ghadeer 36 يقول...

اللون الغامق من ماك ف ض ي ع 😍