الأربعاء، 6 يناير 2016

Empties 1 .. اشياء خلصتها !

اليوم بتكلم عن منتجات خلصتها خلال الأشهر الماضيه

 

نبدأ بالشموع :

أستهلك الشموع بشكل موطبيعي وبطلت اشتري من أي محل عدا باث اند بدي

لأن ريحتها فواحه وقويه وتثبت في البيت ..

من فوق لتحت :

Sundress White Barn

الريحة ريحة مزارع حلوة اخذت منها ثنتين مو لأنها مرة عاجبتني كانت الوحده ب25 فاخذت ثنتين

Snow Day Candles

ريحتها شتويه بحته مره جميلة بس للأسف رجعت مالقيتها 

ريحتها نعناع وفانيلا 

Watermelon Lemonade

الريحة ريحة ايس كريم كنت اكله وانا صغيرة 

ريحة حمضيه مع شيء سويتي 

Springtime In Provence 

 ريحتها توت وخوخ فيها شوي حمضيه

حلوه بس مو فواحه ..

 

الشموع ابدا مو من النوع اللي ارجع اشتري الا بالنادر

فما راح ارجع اشتريها

 

 

الاستحمام:

الشامبو من اورقانكس

بعلاج الكيراتين البرازيلي

وقت استخدامه كان عاجبني ومره مرتاحه معاه بس كان معي تساقط وانا

رابطته ببعد الولادة أنه لازم يطيح الشعر

بس بعد ماوقفته شريت من نفس الماركة بس نوع ثاني

وقف التساقط ..

ماراح ارجع اشتريه

 

مقشر من سوب اند جلوري

 Smoothie Star Breakfast Scrub

المقشر بالنسبة لي يختلف عن كثير من المقشرات

انه ثقيل بس سهل المد حبات التقشير كبيرة بس ماتأذي الجلد

الريحة شيء ثاني ناعمه وثابته

يعطي ترطيب ومايجفف الجسم

بعد ماجربت كم مقشر عرفت انه هو المميز بالنسبة لي

برجع اشتريه

 

shower gel yummy mummy

ريحته لافندر من لش

حلو بس ماراح ارجع استخدمه

 

 

 

الترطيب :

hope in jar

الكريم يحتوي على الاكتيك اسيد اللي يساعد على بشره ناعمه ,

وفيه البيتا جلوكان اللي يساعد البشرة على انها تكون صحيه وفيها مضادات الاكسده ممتازة لحماية البشرة من مؤثرات البيئه السلبية ..

من أفضل الكريمات اللي استعملتها يعطي لمسة ناعمه وومره جميل قبل الميك اب  ..

ماراح ارجع استخدمه ودي اجرب شيء جديد

 

زبدة الكاكو من بالمرز

ترطيبها عميق وممتازة وقت الحمل يقعداكثر من 24 ساعه والجلد  مترطب

وهذا الشيء مهم عشان يقاوم الخطوط اللي تجي وقت الحمل

راح ارجع اشتريه

 

زبدة العسل من بودي شوب

 

وقت ماشتريتها كانت عاجبتني كترطيب وريحة

بس حملت وتوحمت عليها

وكرهتها مررررة

ماراح ارجع اشتريها

 

جلي سوليد

الكريم قديم بس طلعو منه بالبابونج

في بيتنا نشتري منه بالدرزن مره كويس للرجول

يرطبها ويوحد لونها

 

 

 

العطورات

 

شانيل شانس اوفايف

الريحة حمضيه لان فيه قريب فروت وبعد ماتثبت على الملابس

تتحول لمسك .. العطر خلصته بسرعه عجيبه

مامليته ابدا

بس ماراح ارجع اشتريه بجرب شيء جديد

 

من فكتوريا سيكرت انجل

حلو للبيت وعلى غير عادة فيكتوريا سيكرت

احس هذا العطر يطول بالثبات

ريحته ورد

 

penhailgons

ريحته فانيلا مع مسك

من الروايح الي ما امل منها

عيبه مو متوفر بالسعوديه

 

 

بي بي كريم من غارنيه

 

جتني فترة استخدمه بشكل مستمر على ان درجاته محدوده الا انه يندمج

مع البشرة بطريقة بيرفكت

ناسب بشرتي الجافه

يمكن هذي ثالث علبه استخدمها

بس استغنيت عنه بعد بيبي كريم الف

 

رغوة الشعر من wella

الصراحه منتجات الشعر وتثبيت الشعر مو من اهتماماتي

اخذ اللي قدامي هذا استخدمه وقت ما ابغى الويفي يكون مرتب مو فوضوي

يثبت لي اياها بدون مايعطي الشكل اليابس

 

كحل فضي من سيفورا

ماخلص بس من زمان عندي وما استخدمته

ما اعجبني يقشر ويسيح

 

كونجاك سبونج

كتبت عنها ممتازة للاستخدام اليومي ولها بديل من فيس شوب

مافيه فرق بينهم

اكيد راح ارجع اكرر شرائي لها ..

 

 

هناك تعليق واحد:

ghadeer 36 يقول...

😍💜💜💜