منتجات من سليك .. Products From Sleek ..

 

 

 الفترة اللي راحت كتبت عن مكياجي من Elf وكان نسبة المشاهده عاليه مره

فقررت بين فترة وفترة راح انزل عن ماركة معينه واكتب عنها بالتفصيل

ورائي فيها

اليوم راح يكون عن تجربتي عن ماركة سليك

بعد ماوفرتها وايتس جدا انبسطت على انه ماقد جربتها بس

كانت تحمسني الريفيوز باليوتيوب

اسعارها مناسبه وجودتها عاليه

 

 

روج مات : الدرجه مره حلوه بس ماتناسب البنات الحنطيات ابدا

ويجفف الشفايف ويدخل بين الخطوط

درجته 435

ماراح ارجع اشتري منهم هالنوع ..

 

 

 

 

كيت الحواجب :

 

الدرجه :Dark

عبارة عن بودرة وجل وفرشاتين وملقاط

الصدق عنيد روتين معين للحواجب ومره ماشي معي بيرفكت

بس قررت اجربها بس هي واشوف

نوعية حواجبي خفيفه وفيها فراغات

من نص الحواجب الى النهاية استخدمت الجل ومن البداية بس بودرة

عطاني حواجب مرة طبيعيه بس الفرشاة اللي معاه فاشلة

جدا ممتاز حتى على الحواجب الكثيفة

اختي جربته مره يجنن مايعطي اللوك الحاد لا يرتب حواجبها

بشكل طبيعي ..

 

 



 باليت البلشر الثلاثي :)

 

اسمه Sugar

الالوان من اليسار الى اليمين

turbinado-muscovado-demerara

 

مره يجنن مااتخيل في الدرق ستور ولا الهاي اند راح القى ثبات

مثله

ثبات قوي بدرجة مره خياليه

وبقمنت لحد انه لازم تاخذين بكمية معقولة عشان مايطلع شكلك مبقس :D

مره حبيته وحبيت حجمه تقدرين تنقلينه وقت السفر ويخفف عنك ثلاث

انواع بلشر ..

 

 

 كيت االكنتور

الدرجة : ميديم

أنا مو فنانة بالكنتور ابدا ودايم اتحسف لما احطه بس

مع هذا مرة يصير شيء سهل

ملاحظه انا ماقد جربته بكنتور الانف لانه ما احب شكل الكنتور على الانف يبين مصطنع

ب على الوجه تعرفين لمايصير شيء مره دافىء ووجهك كذا متحدد المعالم بس مو مبين

 كذا يصير .. دمجه سهل

الهايلايت حلوه بس مو واو

لا عاديه مقارنه باللي عندي..

 

 

 

 

يارب يكون عجبكم وتعليقاتكم تسعدني :)

 

 

تجربتي لنوعين من الماسكرا ..

اليوم بتكلم عن نوعين من الماسكرا اللي جربتهم هذي الفترة

 

النوع الاول من برجوا ..

اسمها : One second mascra

سعرها 70

مكانها وايتس

 

علبتها عاكسه كنت متردده اشتريها بسبب العلبه لان ما أحب هذي النوعية يبين فيها طبعات الاصابع

أنطباعي عنها

جيدة عطتني كثافه وانعكاف بدون طول

ماتكتل على انه جربتها إلى اكثر من 10 طبقات

سهله الازالة ماتتعب ..

كأستخدام يومي حلو اعطتني ايفكت جميل وطبيعي بدون مبالغه

وللمناسبات بعد حلو يمكن لاني ما أحب الرموش المبالغ فيها

تركيبتها مو سائلة ولاهي متكتلة وهذي من الميزات اللي اعجبتني

 

النوع الثاني من ذا بالم

اسمها: Cheater

اخذتها من الموقع وقت السيل

 

علبتها حلوة زي كل علب ذا بالم

أول ما أستخدمتها ماحبيتها مرة سائلة تعطي تطويل بدون تكثيف ولو زدت كم طبقة راح تعطيك مظهر

رجول العنكبوت

صعبة الازالة حتى مع مزيل المكياج قمت من النوم فيه باقي اثار

 

بعد كم استعمال حبيتها شوي

نشفت شوي وصرت احطها اخر طبقتين مع ماسكرا ثانيه للتكثيف

يعطيني منظر رموش التركيب ..

 

 

 

 

 

 

 

Back to School تنسيقات للجامعه ..

 

اليوم راح يكون اول موضوع عن الفاشن واللبس والتنسيقات مره متحمسه له

حبيت ابدا بستايل الجامعه بمناسبة ان قربت المدارس

كل جامعه تختلف عن الثانيه بالقوانين أنا مشيت على نظام جامعتي

 

ستايلي باللبس عاده ما أحب اخرج عن المألوف يعني ستايلي يميل للبساطه

 

أول ستايل كنت اعتمده بشكل اسبوعي وهو

1- البولو شيرت

أحب اخذها من H&M وسبلاش ورالف لورين تومي

وفيه بيربري وتوري بورش

 

دايم احب البس اكسسوار خفيف هنا اخترت السلاسل اللي تجي طبقتين من

فورايفر21

 

2-القمصان

ماأحب ولاأرتاح الا لقطع فورايفر 21 شكلها على جسمي مره مرتب

هنا البلوزة من قدام اقصر من ورا

فربطته عشان يحدد خصري ومايكون شكلي مبهذل

عاده ما البس ستيتمنت نكلس الا اذا كانت محاضراتي خفيفه ما أحب البسها وقت

المعامل

 

 

 

3-التيشرت

أحبها وأعشقها من جميع الماركات مريحه وماتحتاج تتكلفين مجرد هي مع التنورة واكسسوار

خفيف يمشي الحال

 

4-الكومينو

هذا الستايل ماقد لبسته بالجامعه

بس لو رجعت لأيام الجامعه راح اعتمده مره خفيف وبارد كل الكومينو اللي شريتها من امريكا

من محلين بلفري هيلز و شاارلوت روس

 

5- القرافيك تيشيرت

هذي النوعية من التيشيرت تمثلني :) وحده من صديقاتي كانت تقول لي حلوة عليك بس ما اتخيل اني اشتريها

احبهالانه بارده وعمليه لان كان قسمي كله معامل

 

الهيد باند من الاشياء المفضلة عندي وتغير بشكل اللبس ..

 

 الإكسسوار بالنسبة لي كنت اعتمد شيء واحد طول الفترة 

ما أغيرهم كثير

 

 

 

 ساعة من كيت سبيد مع اسوارتين

اللي فوق من Morgan

واللي تحت نومنيشن

 

 

 

 

 

 اختياراتي للجزم الله يكرمكم يافلات او سنيكر

هنا صورة الفلات شوي مطعجه بس على الطبيعه مره احلى

من توري بورش

السنيكر

من كوتش

 

 

 

 

 

متى تحتاجين الكلارسونيك ؟! مع روتين بسيط لبشرتي ..

 

اليوم بتكلم عن الكليراسونيك وروتين عنايتي ببشرتي ..

الجدل على الكليراسونيك كثير وناس كثير مدحتها وناس كثير ذمتها

قبل ماتشتريها لازم تعرفين انها مو سحر .. يعني انك تنظفين فيها بس

مايصلح ابدا بيصير خساير فلوس خصوصا ان سعرها مرتفع شوي

 لازم تحطين لنفسك عنايه كامله من غسول وماسك  وكريم مرطب ..

هنا راح تعطيك نتيجة بس ماراح تشيل لك حبوب شباب او تصبغات قديمه

اجل ايش تقدم للبشرة ؟!

 

 

الكليراسونيك قدمت لبشرتي

*نظافة عميقه

*بشرة مصقوله مشدودة

*لمعه مؤقته

*خطوة مهمه لتنظيف بشرتي الاسبوعي

*ايضا خطوة مهمه لتنظبف المكياج لانه بعدها عرفت ان ازالة مكياجي اول كانت فاشله

 

انا نوع حقتيmia1

نزلوا الشركة انواع كثيرة بأسعار مختلفه فكل بنت لازم تعرف ايش تحتاج وعلى هالاساس تختار اللي تبغى ومهم تغيير الفرشة كل ثلاث الى ست شهور

 

 

استخدم معها غسول من فيلسوفي يستخدم كتونر فالخطوة هذي 2 في واحد

تكلمت عنه بالتفصيل هنا

 

 

بعد الخطوة التنظيف والمسام مفتوح استخدم الماسك من خط العناية بالبشرة من ذا بالم بالتوت الازرق

احب استخدم الماسك بعد التنظيف العميق تعطي نتايج أفضل والفرشة اللي استخدمها من مكياجي

حطيتها للماسكات

الماسك

*للبشرات العادية إلى الجافه

*خالي من الباربين والساينثتك

*يستخدم مرتين بالاسبوع

 

بس انا استخدمته مره وحده نتايجه علي مرة جميله اول مااحطه يقرصني

بس اول مايجف خلاص يوقف القرص وويشد بشرتي لدرجة ما اقدر اتكلم

يعطيني تفتيح نظارة مرة ممتازة

بس عيبه :

انه كاتبين على العلبة يعطي ترطيب وهو لا

يجفف بشرتي واحتاج ترطيب

 

صعب ازالته فخصصت له فوطة امسح وجهي فيها وبعد مايروح شوي منه اغسل وجه بالمويه الفاترة

 

 

 

 

بعد ما أغسل وجهي نهائي

فقرة الترطيب اول شيء سيروم فايتمن C مع الجنسنق

اخذته من صالون في امريكا

هو يساعد على مقاومة الخطوط الرفيعه

ويعطي لمعة صحيه

مميزاته

*زي ما هو مكتوب اللمعة الصحية والتفتيح

*يفرق بوجوده المكياج

 

عيبه

*شعور اول ما احطه على بشرتي مو حلو

بس على طول يختفي

 

بعد خمس دقايق احط كريم ترطيب البشرة من فيلوسفي مع ترطيب الشفايف بفازلين خاص

للشفايف

هنا متكلمه عن كريم الترطيب

 بعد تجربة ست شهور

 اعتبر هذا الروتين بيرفكت حتى بعد مارجعت من امريكا اهلي وصديقتي حسوا بالفرق على بشرتي

 

خمس منتجات من إلف .. Five products From elf

 

 اليوم بتكلم عن خمس منتجات من الف على الرغم اني ماكنت مقتنعه فيها لانها مره رخيصه وخفت انها تعدم بشرتي

بس بعد ماجربتها مررره اعجبت فيها وكثير يوتيوبر وبلوقر تكلموا عنها .. انا كلها شريتها من والمارت امريكا الا الماسكرا من امازون .. بس هنا موجوده عند التاجرات ..

نبدأ

 

Elf BBcream

Bieg

من أفضل البي بي كريم مرة خفيف على البشرة وتغطيته مرة ممتازة على بشرتي

بشرتي مافيها عيوب بس قبل فترة طلع لي كم بقعه تصبغات مع الشمس وغطاها لي

مايتأكسد وهذا الشيء الي حببني فيه

بشرتي جافه .. مايعطي قلو بس يعطي بشرة صحيه ..

Elf matt lip colour

tea rose

روج مات على شكل قلم سهل المد على الشفايف

 مايخطط ولايقشر ولايعطيك المظهر الجاف

لونه موف مايل على رمادي لاني حنطيه احتاج محدد وردي قبله ويطلع مره

حلو ..

 

elf eyebrow mascra

ماسكرا الحواجب من الف الدرجة ميديم

لون شعري على بني فاتح وحواجبي لازم تحتاج رسم لانها جدا خفيفه

بعض الاحيان اتحمس واغمق اللون فاحتاج شيء يفتحها

لاحظت انه اذا استخدمتها تعطي لحواجبي مظهر انها كثيرة

مره مره اعجبت فيها

فيها عيب انه لازم تمسحي منه شوي قبل ماتستخدمينها

 

e.l.f. Studio Contouring Blush & Bronzing Powder

البلش لونه كورال على لمحة بنك قارنته بهوت ماما من بالم واورقازم من نارس

طلع نسخه

هذي الدرجة تعطي وجهي اشراق وتحديد بدون كنتور

مرة حبيته عيبه يتنثر يعني وانا اشتغل عليه

لازم ما اتحمس

الكنتور على اني ما اعرف له ولاتحمست اتعلمه بس جربته معاه مره سهل

مايعطي المظهر المبقع او المكفخ

سهل الدمج ومايعطي حده لا شكله طبيعي

 

e.l.f. Essential Blending Eye Brush

على سعرها دولار جدا معقوله وحلوه

شعرها يمسك اللون وتنظيفها سهل

عندي من ماك نفس الفكرة بس ماكنت احبها على ان المدح عليها كبير

الا انها ماتعطيني المنظر المدموج

وبكذا اكون عطيتكم نظرة عامه عن تجربتي الناجحه مع الف

بس ملاحظه قبل ماتشترين لازم تقرين ريفيوز

لانه فيه كم شيء متحمسه اشتريه بس بعد ماقريت الريفيوز هونت

اشوفكم على خير ..

 

 

 

 

 

حكاية مدينة .. عيدية بشكل مميز ..

 

حكاية مدينه

أول شيء مو أعلان وشاريته لنفسي عشان بعض البنات اللي يتسألون

أحب المشاريع اللي تتعب على نفسها وتبدأ باشياء مميزة وشكل خاص فيها

أنا من برج القوس فتهمني مرررره التفاصيل اكثر من المنتج

حبيت شكل الكيسه ومره يناسب كهديه ..

 

انا كنت ابحث عن عيدية تناسب لفئه المتوسط والثانوي لانهم الاكثر

يعني ما ابغى سلة حلا ولا ابغى عيديات للاطفال

 

 

 زي ماتشوفون الكرتون يحتوي على 28 حبة .. ماذقتها بس صحبتي تقول انها مره حلوه والشوكلت بلجيكيه ..

الكرتونين كل واحد ثيم بس المحتوى واحد ..

 

 

 

زي ماتشوفون التصاميم مرتبطه باشياء فينا وصور لطيفه..

 

 

 

هذي قتلتني اعجبتني بشكل .. مره ذكرتني بالطفولة :)

 

 

باختصار اعجبني

 

سعره ب180 ريال

 

بالانستجرام 7EKAYTt_MADINA

 

طريقة الطلب اما عن طريق محل خليط الزهور بالريان

او عن طريق مندوبين لها وهذي الطريقه انا اخترتها عشان اضمن لانه خفت اروح للمحل والقاهم مخلصين

 

..

 

 

المقشر العجيب من Energy

 

اليوم خصصت التدوينه عن هذا المنتج

من كثر ماهو جميل وعجبتني نتائجه  .. انا مخصصه يوم في الشهر اسوي بوديكير في الصالون ودايم ابحث عن حل يحافظ على نعومة رجلي خلال هذاالشهر

ومافيه منتج اقنعني مثل هذا المنتج

من ماركة Energy

عبارة عن مقشر مرطب بعبير النعناع .. يقوم بازاله الجلد الميت ويعطي نعومة بعد الاستعمال

كيف تستخدمينه "

ابلل رجولي بموية فاية وانشفها كويس بعدين كمية مو كبيرة ادهنها زي الكريم

والبس شراب انا استخدمت تبع باث اند بودي بعد ما اقوم افكها واغسل رجولي وافركها بالمبرد الخاص للرجول

اول اسبوع كنت استخدمه يومياً اعطاني نتيجة مره حلوه

بعدها صرت مرتين بالاسبوع

النتيجة النهائيه ::

مبسوطه عليه بشكل

ومرتاحه للنتائج ساعد على تقليل الجفاف واعطاء نظارة ووحد لون رجلي

 

موجود بالصيدليات ما اعرف سعره ..

 

 

 

 

 

 

 

 

عطر سوربت من مارك جيكوب .. ٍSorbet From Marc Jacobs

اليوم بتكلم عن عطر من مارك جيكوب نازل ليمتد ادشن بسيفورا

Sorbet

العطر صيفي بأمتياز

قبل ماكنت اعرف النوت للعطر بس بعد ماقريت من المدونات صرت اتحمس

اقرأ عن المكونات وكيف تركيبتها حسيتها شيء ممتع

يعني بس من قبل سته شهور كان العطر بالنسبة لي شين وزين

الحين اخمن النوتات من كثر ماقريت حبييييت الفكره مره ..

 

 

 

المميز بالبراند الشكل الخارجي احسه تحفة فنيه :)

 

النوت من هذا الموقع ..

هنا

 

النوت العليا

قريب فروت .. كمثرى .. باشن فروت

 

الواضح هنا هو الكمثرى ..

 

النوت الوسطى

ياسمين ..شجرة الوستريا اليابانيه .. والزنبق

 

الواضح هنا الياسمين بس تختفي على طول

 

النوت االقاعده

المسك والخشب

 

الواضح هنا المسك وهو اللي يبقى على الملابس ..

 

 

تقييمي له

عطر خفيف الريحه لطيفه نوعية المسك اللي مو طفولي على بودره لا شيء يناسب الكبار..

اللي يحبون العطورات القويه ماراح يعجبهم

سلبياته انه حجم العلبه كبير صعب انك تنقلينها بالشنطه وثباته مره خفيف

بعد ساعتين اختفى بس ريحه خفيفه على الملابس ..

 

النوعيه من العطورات ماهي ممله يعني الى ما يخلص اعتقد بأحس بانتعاش

نفس اول مره جربته واعتقد راجع للمسك وعشقي له ..

 

انصح فيه الناس اللي يحبون العطورات الخفيفه

 

 

سعره ب73 دولار..

 

 

 

 

 

 

 

 

 

 

 

 

مجموعة أرواج من كلور بوب .. colourpop collection

 

اليوم بتكلم عن تجربتي بالطلب واستخدام مجموعة أرواج من كولور بوب..

الماركة ماتتوفر الا عن طريق الاون لاين

وطريقة الطلب بالنسبه لي كانت سهله وصولها لي على البريد خلال ست ايام

الموقع :هنا

 

اول ماتسجلين يطلبون منك تفعلين على الايميل

وبكذا يعطونك كوبون خصم 10% لاول طلب

الصراحة الشركات اللي كذا احسها مبدعه بكسب الزبون لانهم مايخسرون شيء

بالعكس يكسبون نقطة لصالحهم ..

 

الباكج :

كان جدا مرتب بكرتون عليه استيكرقابل للكسر من جوا مغلفين الكراتين بشكل قوي

معاه هذي البطاقه شكر بخط اليد ولان الطلب باسم زوجي كاتبين اسمه :D

وبطاقه ثانيه انواع الارواج ومدى تغطيتها ..

 

 

الارواج :

اول شيء محدد Flawless

سعرها 5 دولار حول 20 ريال

اللون جاي أحمر غامق مايل على بنفسجي .. اللون مره حلو كروج وكمحدد ..

 

حبيته ثباته معقول بعد اربع ساعات اكلت بقى على الحدود بس ..

انا تحمست أشتريه لان احتاج محدد غامق كبيس بعد لارواجي الغامقه ..

 

lippie stix  .. Leather

أول لون على اليمين ..

نوعيته : مات .. مطفي

سعره .. خمسه دولار

اللون جاي  بنفسجي غاااامق مره بالموقع كاتبين على انه مايل للاسود بس احس لا غامق صح بس ماهو

قريب من الاسود .. رحت قارنته في ماك بهروين لقيت الشبه 85%

احلى شيء باللون مطفي  بس مده على الشفايف سهل مره ..

اهم شيء قبل الاستعمال سوي سكرب للشفايف مع ترطيب ..

النتيجه جدا جميله .. ثباته حلو الى ثلاث ساعات بعده اختفى من الوسط

عشان تحصلين على نتيجه احسن لاتعيدين عليه ابدا امسحي وارجعي من جديد

حطيه ..

 

 

 

اخذت منهم بعد مجموعه حصريه للصيف 2015 فيها ست ارواج راح اتكلم عنها بالتفصيل ..

اسم المجموعة ( sundays in silverlake )

سعرها ب30 دولار  حول 120 ريال

حبيت بالمجموعة انه دامج درجات النود مع البرتقالي والفوشي

طالع صح الوان صيفيه بحته المجموعه فيه ريحة فانيلا مو مره واضحه بس انا حبيتها 

 حسيت انها خيار مناسب للهديه اذا كانت اهتمام وحده مكياج وهذي الاشياء ..

 

ابدأ بأول لون :

 

 

 

cougar

نوعيته مات

لونه بينك على احمر صارخ  صيفي بامتياز

 

Pasties

نوعيته قلوسي

اللون فوشي صارخ مناسب لجميع الوان البشرات

اللون صيفي يوسع الصدر كل مره استخدمه احس وجهي

ينطق بالفرح انا اكره القلوسات باشكالها بس هذا ابدا مافيه احساس

القلوس اللي يتدبق بس شكله على الشفايف مره جميل  مع مكياج عيون هادي ..

 

thirsty

نوعيته ساتان

لونه وردي .. مناسب لجميع الوان البشرات ..

اللون بيرفكت احب الفواتح اللي كذا مناسب للاستخدام اليومي

ثباته ممتاز ..

 

 

chella

نوعيته كريمي

لونه مشمشي قوي اللون احسه صيفي بامتياز بس يحتاج محدد قبله

والا بيطلع الشكل مصطنع ..

 

 

Ace

نوعيته كريمي ..

اللون بينك فاتح مره مايناسب البشرة القمحيه الى البرونزيه ..

راح يكون من الاشياء اللي ادمجها عشان يطلع لي لون او افتح الالوان الغامقه

بس كاستخدام لحاله لا ما اعجبني لونه ..

 

 

parker

نوعيته مطفي

لونه نود دافي اللون مره جميل لكل الوان البشره

يحلي الوجه حتى بدون ميك اب ومره يناسب لنوعية نو ميك اب  ..

عيبه في ريحه مره مهي حلوه بس اول ما استخدمه تروح ..

 

 سواتشز ..

من اليسار الي اليمين

 

..couger .. pasties ...thirsty ..chella .. parker ..ace ..

 

leather .. flawless ..