السبت، 30 مايو، 2015

مجموعة أرواج من كلور بوب .. colourpop collection

 

اليوم بتكلم عن تجربتي بالطلب واستخدام مجموعة أرواج من كولور بوب..


الماركة ماتتوفر الا عن طريق الاون لاين

وطريقة الطلب بالنسبه لي كانت سهله وصولها لي على البريد خلال ست ايام

الموقع :هنا

 

اول ماتسجلين يطلبون منك تفعلين على الايميل

وبكذا يعطونك كوبون خصم 10% لاول طلب

الصراحة الشركات اللي كذا احسها مبدعه بكسب الزبون لانهم مايخسرون شيء

بالعكس يكسبون نقطة لصالحهم ..

 

الباكج :

كان جدا مرتب بكرتون عليه استيكرقابل للكسر من جوا مغلفين الكراتين بشكل قوي

معاه هذي البطاقه شكر بخط اليد ولان الطلب باسم زوجي كاتبين اسمه :D

وبطاقه ثانيه انواع الارواج ومدى تغطيتها ..

 

 

الارواج :

اول شيء محدد Flawless

سعرها 5 دولار حول 20 ريال

اللون جاي أحمر غامق مايل على بنفسجي .. اللون مره حلو كروج وكمحدد ..

 

حبيته ثباته معقول بعد اربع ساعات اكلت بقى على الحدود بس ..

انا تحمست أشتريه لان احتاج محدد غامق كبيس بعد لارواجي الغامقه ..

 

lippie stix  .. Leather

أول لون على اليمين ..

نوعيته : مات .. مطفي

سعره .. خمسه دولار

اللون جاي  بنفسجي غاااامق مره بالموقع كاتبين على انه مايل للاسود بس احس لا غامق صح بس ماهو

قريب من الاسود .. رحت قارنته في ماك بهروين لقيت الشبه 85%

احلى شيء باللون مطفي  بس مده على الشفايف سهل مره ..

اهم شيء قبل الاستعمال سوي سكرب للشفايف مع ترطيب ..

النتيجه جدا جميله .. ثباته حلو الى ثلاث ساعات بعده اختفى من الوسط

عشان تحصلين على نتيجه احسن لاتعيدين عليه ابدا امسحي وارجعي من جديد

حطيه ..

 

 

 

اخذت منهم بعد مجموعه حصريه للصيف 2015 فيها ست ارواج راح اتكلم عنها بالتفصيل ..

اسم المجموعة ( sundays in silverlake )

سعرها ب30 دولار  حول 120 ريال

حبيت بالمجموعة انه دامج درجات النود مع البرتقالي والفوشي

طالع صح الوان صيفيه بحته المجموعه فيه ريحة فانيلا مو مره واضحه بس انا حبيتها 

 حسيت انها خيار مناسب للهديه اذا كانت اهتمام وحده مكياج وهذي الاشياء ..

 

ابدأ بأول لون :

 

 

 

cougar

نوعيته مات

لونه بينك على احمر صارخ  صيفي بامتياز

 

Pasties

نوعيته قلوسي

اللون فوشي صارخ مناسب لجميع الوان البشرات

اللون صيفي يوسع الصدر كل مره استخدمه احس وجهي

ينطق بالفرح انا اكره القلوسات باشكالها بس هذا ابدا مافيه احساس

القلوس اللي يتدبق بس شكله على الشفايف مره جميل  مع مكياج عيون هادي ..

 

thirsty

نوعيته ساتان

لونه وردي .. مناسب لجميع الوان البشرات ..

اللون بيرفكت احب الفواتح اللي كذا مناسب للاستخدام اليومي

ثباته ممتاز ..

 

 

chella

نوعيته كريمي

لونه مشمشي قوي اللون احسه صيفي بامتياز بس يحتاج محدد قبله

والا بيطلع الشكل مصطنع ..

 

 

Ace

نوعيته كريمي ..

اللون بينك فاتح مره مايناسب البشرة القمحيه الى البرونزيه ..

راح يكون من الاشياء اللي ادمجها عشان يطلع لي لون او افتح الالوان الغامقه

بس كاستخدام لحاله لا ما اعجبني لونه ..

 

 

parker

نوعيته مطفي

لونه نود دافي اللون مره جميل لكل الوان البشره

يحلي الوجه حتى بدون ميك اب ومره يناسب لنوعية نو ميك اب  ..

عيبه في ريحه مره مهي حلوه بس اول ما استخدمه تروح ..

 

 سواتشز ..

من اليسار الي اليمين

 

..couger .. pasties ...thirsty ..chella .. parker ..ace ..

 

leather .. flawless ..

 

 
 
 

ليست هناك تعليقات: