الثلاثاء، 5 مايو، 2015

Review: philosophy kit .. مجموعة العنايه بالبشرة من فيلوسفي ..

كنت رايحه لمحل التا وكانت متواجدة خبيرة بشره

قلت لها انه حابه اجرب مجموعه جديده للبشرة بس ابغاها بخط واحد

يعني مو كذا ماركة

شافت بشرتي قالت ما تحتاجين الا ترطيب وغسول وسيروم مكافح للخطوط والتجاعيد

لأنه لازم تستخدمينه بهذا العمر لأنه لو طلعت الخطوط مالها علاج الا تجميلي ..وحبيت انها اخذت التفاصيل

مره كانت كويسه وتعاملها حلو وكلامها مختصر ..

أعطتي هذا المجموعه من 

 philosophy

عبارة عن غسول وسيروم ومرطب ..


وهذا تقييمي عن المجموعه بعد استخدام 45يوم ..

 

 

الغسول Made simple ;

غسول للوجه والعيون .

يوعد المنتج انه 3 اشياء في منتج واحد .. غسول للوجه وتونر وومزيل مكياج العين

كغسول جدا عادي مافيه شيء مميز الا انه مايجفف الوجه

كمزيل للمكياج جدا ممتاز بس له بدائل أرخص مثل غارنيه ..

ما اعتقد انه راح ارجع له ..

 

 

 

المعالج When hope is not enough

السيروم

يوعدني انه يقلل من مظهر الخطوط الرفيعه والتصبغات

ويفتح وينور الوجه ..

 

جدا جميل وراح ارجع اشتريه مره طلع نتايج على الخطوط الرفيعه الي قريبه من عيني

واعطاء وجهي اشراق .. بس عن التصبغات الحمد لله ما عندي فما ادري كيف شغله عليها

يعيبه ريحته بس مجرد مايختفي تختفي الريحة ..

 

 

الترطيب hope in jar

الكريم يحتوي على الاكتيك اسيد اللي يساعد على بشره ناعمه ,

وفيه البيتا جلوكان اللي يساعد البشرة على انها تكون صحيه وفيها مضادات الاكسده ممتازة لحماية البشرة من مؤثرات البيئه السلبية ..

من أفضل الكريمات اللي استعملتها يعطي لمسة ناعمه وومره جميل قبل الميك اب  ..

 

 

 

للاسف انها ماتباع بالسعوديه بس موجوده بسيفورا دبي وتقدرين تطلبيها اون لاين

من امازون او سيفورا ..

 

 

 

 

 

ليست هناك تعليقات: