السبت، 25 يونيو، 2016

أفضل منتجات now بالنسبة لي ..

السلام عليكم

العشر مباركة عليكم يارب

والله يتقبل منا ومنكم صالح الاعمال

 

اليوم بتكلم عن منتجين غيرو بشرتي وشعري للافضل

وحسيت انهم من افضل الاشياء اللي جربتها الوقت الحالي

 

coconut oil Now

european clay powder

 

 

 

 

 

الفترة الاخيرة اقتنعت تمام الاقتناع انه مافي افضل من جوز الهند للشعر

والشيء الي لاحظته انه مايسبب اي تغيير للشعر المصبوغ

بالنسبة لي استخدامي له بعض الاحيان كماسك قبل الاستحمام على وجهي وبعض الاحيان مرطب لبشرتي

بس اخذ نقطة بسيطة وامسح فيها وجهي مره التاثير ممتاز

البعض يعرف انه تعرضت للحروق من الدرجة الاولى فوجهي وتاثرت حواجبي منها

كنت امسح لمدة شهر على حاجبي وحسيت بفرق رجعت تقريبا زي ما كانت

اخلط جوز الهند مع بعض المقشرات اللي اسويها في البيت مثل السكر والكوفي

ونتيجتها رائعه وافضل من زيت الزيتون

 

جربت كم نوع من جوز الهند وكتبت عن واحد هنا واللي لاحظته انهم كلهم نفس الشغل

 

من اي هيرب الرابط

http://sa.iherb.com/Now-Foods-Coconut-Oil-Natural-7-fl-oz-207-ml/516

 

 

 

 

 

المنتج الثاني ماسك طيني من نفس الشركة

عبارة عن بودرة وتضيفي لها موية وتحركينها بملعقة غير معدنية

بعد مايتجانس توزعينها بفرشة الماسك على وجهك

من مميزاته انه طبيعي ونقي ويعمل تنظيف عميق للوجه

ويقلل من حجم المسام

 

على العلبة مكتوب انه لو بشرتك جافة اضيفي عليه زيت الهاهوبا او لافندر

بس انا ما جربتها ..

 

بعد مرور يمكن دقيقتين راح تحسي بشد وحرارة بالبشرة بس تقدرين تتحملينها

الوقت المناسب للماسك من 15 الى عشرين راح تشوفينه نشف على البشرة

بعدها تغسلينه وترطبين ..

استخدامي له مرتين خلال الاسبوع

بشرتي مرة مرتاحة ونظيفه بعد ما اغسل منه احسها تتنفس

بعد تكرار الاستخدام عندي مشكله بجوانب فمي لون غامق شوي احس فتح كثير

 

المنتج احس انه خيار مناسب لبنت ماتبغى تشتري ماسكات كثيرة لانه يقوم بتنظيف عميق

ومعالج مع مرور الوقت ..

 

من اي هيرب الرابط

http://sa.iherb.com/product-reviews/Now-Foods-Solutions-European-Clay-Powder-6-oz-170-g/620/?p=1&gclid=CL3ft9z4w80CFZEy0wod7bELrg

 

ليست هناك تعليقات: