زيت جوز الهند ورائي فيه .. Coconut Oil

السلام عليكم ورحمة الله ..

أسفه على الانقطاع لكن مريت بظروف ماسمحت لي أني أدون فقررت أوقف وأرجع   

لما أرتب أموري

الشيء الثاني

جميع تدويناتي انمسحت من قبل ولدي الصغير بالبداية تضايقت بعدها قلت خيره

 

 

 

 

اليوم تدوينتي عن زيت جوز الهند

سمعت عنها كثير وما ادري ليه لما أسمع عن شيء بكثرة ما اتحمس اجربه

بس مرة كنت ناويه اطلب من امازون فايتمن وكريمات وطلع لي من الاقتراحات زيت جوز الهند

 

 

 

من الداخل صلب

 

خلال هالفترة كان شعري يعاني من جفاف + تساقط

قبل ما ابدأ قصيت كمية كبيرة من اطراف شعري المقصفه

واستعملته

مدة تجربتي 4 شهور

مرتين خلال الاسبوع

 

الفرق اللي اعطاني اياه واضح جدا بعد الاستعمال الشعر رطب , النفشه قلت 70%

وشعري صحي جدا ..

 

سافرت اسبوع ووقفته لاحظت ان فعاليته قلت يعني النتائج اللي عطتني اياه تحتاج استمراريه

طريقة استعمالي::

 

اخذ بالملعقة الصغيرة واذوبه على بحرارة يدي اما اضيف عليه ماسك شعري زي فاشكول

او لحاله واسوي مساج على فروة الرأس

واغرق الاطراف ..

 

وقت الغسيل يحتاج شامبو منقي مثل بق من لش عشان يشيل الدهون من الجذور

 

يستحق الشراء : بالنسبة لي ايوه بظل اشتريه مع ان كميته كبيرة جدا

 

نجي لأشياء جربتها معاه ::

جدا مفيد للبشرة بشكل مو طبيعي , حطيته كماسك لحاله , اضفت عليه عسل , اضفت عليه زبادي

بشرتي من بعده تغيرت ,, خصوصا اني عانيت من ارهاق بشرتي وقت الحمل والولادة ..

يستخدم للاكل بس ماقد جربت ..

 

 

قبل لا اتروش امسح فيه اضافري والكوتكيل جدا ممتاز واحس لو استمريت عليه بيعطيني نتئج مبهره

بس احسه يعرقل حركتي فـ مو كثير اسويها ..

 

قيمته 13$ .. ب50 ريال ..