Essie Nail polish reviews .. تقييمي لمناكير إيسي ..

اليوم بتكلم عن مجموعة مناكير ايسي اللي عندي ووجهة نظري فيها

بالبداية علاقتي معاها حب وكره عجزت أحدد

الماركة أحبها بس بعض الاحيان تصدمني بنوعية بعض المناكير

بعضها تحتاج اكثر من طبقة فيصير صعب تنشف والبعض منها يتخدش بسرعه

السيئين فبيتي في الرياض فما أقدر أحكي عنهم ..

 

 

من اليمين الى اليسار

 

Demure vix

 

اللون بين البينك والرمادي وفيه لمعه غريبه بس مرة حلوه

دايما ادور على لون يصير مو صارخ ولا هو نود ويحلي اليد

ولأني اتعرض للشمس كثير فيدي لونها غمق ثلاث درجات عن لوني

بس هذا اللون اعطى يدي إضافه مره حلوة ..

اللون يبين من طبقتين وينشف بسرعه

حطيته يومين كاملات , ماتخدش ابدا بالرغم اني

اشتغل ..

 

wrapped in rubies

 

اللون شتوي خالص .. وقت نفاسي كان شتاء طول الوقت كنت استخدمه

وقد تكلمت عنه بالانستجرام .. اللون عودي مع لمعة ذهبي صديقتي تقول كأنه صدأ ..

على اليد الحنطية يطلع مرة حلو

اللون يبين من طبقة وحده وينشف بسرعه

يتخدش بعد يوم كامل ..

 

plumberry

 

اللون فوشي على أحمر .. اللون خورااااااااافي من قلب

خصوصا على اظافر الرجول يطلع بيرفكت ..

اللون يناسب جميع البشرات ..

يبين من طبقة وحده

يتخدش بسرعه للاسف  

 

 

chubby cheeks

 

اللون بينك على اورانج يناسب جميع البشرات

اللون ينطق انه صيفي مره احبه يزهي اليد وينورها

يبين من طبقتين بس ينشف على طول .. يطول على  مايتخدش بس ماقد جربته اكثر من يوم

 

Mint candy apple

هذا اللون اكثر لون شوقني وقت ماكنت اتابع بثاني موتا .. اول ماشريته  أعجبني ..

بس بعدين صرت ما أحب احطه احس يبين عيوب يدي .. ويغمق لونها ..

بكل مره اغصب نفسي عليه ..بس بعدها امسحه ..

استخدمته مره كنت رايحه لمدينه مائيه وحسيته يناسب المكان

يبغاله طبقتين وصعب انه ينشف ..

ويتخدش بسرعه ..

 

 

اماكن تواجدها فصيدلية وايتس ب49

وفي أمريكا بالتا بيوتي وتارقت ب9 دولار