متى تحتاجين الكلارسونيك ؟! مع روتين بسيط لبشرتي ..

 

اليوم بتكلم عن الكليراسونيك وروتين عنايتي ببشرتي ..

الجدل على الكليراسونيك كثير وناس كثير مدحتها وناس كثير ذمتها

قبل ماتشتريها لازم تعرفين انها مو سحر .. يعني انك تنظفين فيها بس

مايصلح ابدا بيصير خساير فلوس خصوصا ان سعرها مرتفع شوي

 لازم تحطين لنفسك عنايه كامله من غسول وماسك  وكريم مرطب ..

هنا راح تعطيك نتيجة بس ماراح تشيل لك حبوب شباب او تصبغات قديمه

اجل ايش تقدم للبشرة ؟!

 

 

الكليراسونيك قدمت لبشرتي

*نظافة عميقه

*بشرة مصقوله مشدودة

*لمعه مؤقته

*خطوة مهمه لتنظيف بشرتي الاسبوعي

*ايضا خطوة مهمه لتنظبف المكياج لانه بعدها عرفت ان ازالة مكياجي اول كانت فاشله

 

انا نوع حقتيmia1

نزلوا الشركة انواع كثيرة بأسعار مختلفه فكل بنت لازم تعرف ايش تحتاج وعلى هالاساس تختار اللي تبغى ومهم تغيير الفرشة كل ثلاث الى ست شهور

 

 

استخدم معها غسول من فيلسوفي يستخدم كتونر فالخطوة هذي 2 في واحد

تكلمت عنه بالتفصيل هنا

 

 

بعد الخطوة التنظيف والمسام مفتوح استخدم الماسك من خط العناية بالبشرة من ذا بالم بالتوت الازرق

احب استخدم الماسك بعد التنظيف العميق تعطي نتايج أفضل والفرشة اللي استخدمها من مكياجي

حطيتها للماسكات

الماسك

*للبشرات العادية إلى الجافه

*خالي من الباربين والساينثتك

*يستخدم مرتين بالاسبوع

 

بس انا استخدمته مره وحده نتايجه علي مرة جميله اول مااحطه يقرصني

بس اول مايجف خلاص يوقف القرص وويشد بشرتي لدرجة ما اقدر اتكلم

يعطيني تفتيح نظارة مرة ممتازة

بس عيبه :

انه كاتبين على العلبة يعطي ترطيب وهو لا

يجفف بشرتي واحتاج ترطيب

 

صعب ازالته فخصصت له فوطة امسح وجهي فيها وبعد مايروح شوي منه اغسل وجه بالمويه الفاترة

 

 

 

 

بعد ما أغسل وجهي نهائي

فقرة الترطيب اول شيء سيروم فايتمن C مع الجنسنق

اخذته من صالون في امريكا

هو يساعد على مقاومة الخطوط الرفيعه

ويعطي لمعة صحيه

مميزاته

*زي ما هو مكتوب اللمعة الصحية والتفتيح

*يفرق بوجوده المكياج

 

عيبه

*شعور اول ما احطه على بشرتي مو حلو

بس على طول يختفي

 

بعد خمس دقايق احط كريم ترطيب البشرة من فيلوسفي مع ترطيب الشفايف بفازلين خاص

للشفايف

هنا متكلمه عن كريم الترطيب

 بعد تجربة ست شهور

 اعتبر هذا الروتين بيرفكت حتى بعد مارجعت من امريكا اهلي وصديقتي حسوا بالفرق على بشرتي