مجموعة أرواج من كلور بوب .. colourpop collection

 

اليوم بتكلم عن تجربتي بالطلب واستخدام مجموعة أرواج من كولور بوب..

الماركة ماتتوفر الا عن طريق الاون لاين

وطريقة الطلب بالنسبه لي كانت سهله وصولها لي على البريد خلال ست ايام

الموقع :هنا

 

اول ماتسجلين يطلبون منك تفعلين على الايميل

وبكذا يعطونك كوبون خصم 10% لاول طلب

الصراحة الشركات اللي كذا احسها مبدعه بكسب الزبون لانهم مايخسرون شيء

بالعكس يكسبون نقطة لصالحهم ..

 

الباكج :

كان جدا مرتب بكرتون عليه استيكرقابل للكسر من جوا مغلفين الكراتين بشكل قوي

معاه هذي البطاقه شكر بخط اليد ولان الطلب باسم زوجي كاتبين اسمه :D

وبطاقه ثانيه انواع الارواج ومدى تغطيتها ..

 

 

الارواج :

اول شيء محدد Flawless

سعرها 5 دولار حول 20 ريال

اللون جاي أحمر غامق مايل على بنفسجي .. اللون مره حلو كروج وكمحدد ..

 

حبيته ثباته معقول بعد اربع ساعات اكلت بقى على الحدود بس ..

انا تحمست أشتريه لان احتاج محدد غامق كبيس بعد لارواجي الغامقه ..

 

lippie stix  .. Leather

أول لون على اليمين ..

نوعيته : مات .. مطفي

سعره .. خمسه دولار

اللون جاي  بنفسجي غاااامق مره بالموقع كاتبين على انه مايل للاسود بس احس لا غامق صح بس ماهو

قريب من الاسود .. رحت قارنته في ماك بهروين لقيت الشبه 85%

احلى شيء باللون مطفي  بس مده على الشفايف سهل مره ..

اهم شيء قبل الاستعمال سوي سكرب للشفايف مع ترطيب ..

النتيجه جدا جميله .. ثباته حلو الى ثلاث ساعات بعده اختفى من الوسط

عشان تحصلين على نتيجه احسن لاتعيدين عليه ابدا امسحي وارجعي من جديد

حطيه ..

 

 

 

اخذت منهم بعد مجموعه حصريه للصيف 2015 فيها ست ارواج راح اتكلم عنها بالتفصيل ..

اسم المجموعة ( sundays in silverlake )

سعرها ب30 دولار  حول 120 ريال

حبيت بالمجموعة انه دامج درجات النود مع البرتقالي والفوشي

طالع صح الوان صيفيه بحته المجموعه فيه ريحة فانيلا مو مره واضحه بس انا حبيتها 

 حسيت انها خيار مناسب للهديه اذا كانت اهتمام وحده مكياج وهذي الاشياء ..

 

ابدأ بأول لون :

 

 

 

cougar

نوعيته مات

لونه بينك على احمر صارخ  صيفي بامتياز

 

Pasties

نوعيته قلوسي

اللون فوشي صارخ مناسب لجميع الوان البشرات

اللون صيفي يوسع الصدر كل مره استخدمه احس وجهي

ينطق بالفرح انا اكره القلوسات باشكالها بس هذا ابدا مافيه احساس

القلوس اللي يتدبق بس شكله على الشفايف مره جميل  مع مكياج عيون هادي ..

 

thirsty

نوعيته ساتان

لونه وردي .. مناسب لجميع الوان البشرات ..

اللون بيرفكت احب الفواتح اللي كذا مناسب للاستخدام اليومي

ثباته ممتاز ..

 

 

chella

نوعيته كريمي

لونه مشمشي قوي اللون احسه صيفي بامتياز بس يحتاج محدد قبله

والا بيطلع الشكل مصطنع ..

 

 

Ace

نوعيته كريمي ..

اللون بينك فاتح مره مايناسب البشرة القمحيه الى البرونزيه ..

راح يكون من الاشياء اللي ادمجها عشان يطلع لي لون او افتح الالوان الغامقه

بس كاستخدام لحاله لا ما اعجبني لونه ..

 

 

parker

نوعيته مطفي

لونه نود دافي اللون مره جميل لكل الوان البشره

يحلي الوجه حتى بدون ميك اب ومره يناسب لنوعية نو ميك اب  ..

عيبه في ريحه مره مهي حلوه بس اول ما استخدمه تروح ..

 

 سواتشز ..

من اليسار الي اليمين

 

..couger .. pasties ...thirsty ..chella .. parker ..ace ..

 

leather .. flawless ..

 

 

 

 

زبدة الارغان من Nourish organic

زبدة الارغان من  

Nourish Organic

 

من مكوناته طبعا زيت الارغان و وزبدة الشيا و معها زيت جوزالهند ..

وداخله في تركيبها فيتامين e وزيت دوار الشمس

 

من هذي المكونات الاكيد نستنتج انها شيء بيرفكت

الاشياء اللي لفتت انتباهي فيها :

1- ان الزبده جدا صلبه بس سهله المد

2- ريحتها مقبولة جدا

3- تمتص بسرعه عجيبه

4- ترطيبها 10-10 بشرتي جافه استمرت يوم كامل

 

احرص ارطب فيها الاماكن الخشنه الاكواع الركب

 

حطيت مقارنه معها مع زبدة الكاكو وزبدة الشيا تفوقت عليهم

لانها جدا مرنه بالمد وريحتها ممتازة زي ماقلت

وهو شيء يعيب زبدة الكاكو ..

 

من الاشياء اللي حريصه انه اخذ معي مجموعة اذا رجعت للسعوديه

واذا خلصت تلقونها بأمازون واي هيرب ..

 

عيوبها : كميتها صغيرة بالنسبة لاستخدام يومي ماكملت شهر الا خلصت ..

 

سعرها 15 دولار ودايما عليها تخفيض باي هيرب ..

 

انصحكم فيها بشدة ..

 

lights, camera, lashes precision longwear eyeliner تجربتي مع قلم الكحل السائل من تارت ..

 

 

 

موضوعنا اليوم بيكون عن Tarte liner longwear

المنتج عبارة عن كحل بني يوعدنا انه يدوم لمدة أطول تقريبا الى 12 ساعة  يعطي شكل

مناسب للعين ..

 

أول ماقريت عنه تعرفون كيف الامريكان يرفعون بالشيء وكيف يصير المنتج الساحر :@

عليه مدح مو طبيعي ..

المهم رحت لسيفورا وجربته على يدي طلع لونه اسود استغربت

وتوقعت انه شيء زين لانه ثبت على يدي خمس ساعات

 

 

نجي عند تقييمي له ::

المنتج غير ناجح بالنسبة لي مع انه قلم وهذا دايم مطلب لي غير ان فرشته مره رفيعه

وتوقعت منه شيء ممتاز لكن خيب ظني للأسف ..

ماهو بني زي ماذكروا ولما اقتنعت فيه كأسود ثاني استخدام صار باهت باهت باهت

ماهو ثابت ابدا انا من الناس اللي تدمع عيونهم اذا ضحكوا

بعد ماشيكت عليه الوينج اختفو :(

عطيته فرص كثيره عشان يقنعني بس ابدا مايستاهل ..

 

هو ليمتد ادشن عشان كذا بنات لاتتحمسون له ..

 

سعره 20$ اخذته من سيفورا ..

 

 

أحدث أساس من لوريال INFILLIBLE PRO MATT

لوريال نزلت نوع جديد من اساساتها وهو 

iNFALLIBLE PRO MATT

درجتي فيه 107 FRESH BEIEG

 

 

طبيعة الأساس:: سائلة ، يعطي مظهر مطفي ،،

احلى شيء فيه تعدد الدرجات 13درجه فيه منها على وردي وعلى بيج

واللي بشراتهم جدا غامقه ..

لان بشرتي جافه ما احب لوك المات بس هذا شفت انه نص مات

وحبيت أغير لوك الدوي او المظهر الرطب ،،

 

 

 

تجربتي معاه : اول مره جربته كان جدا جميل بس توزيعه متعب بفرشاة ريل تكنيك  من طبقه وحده اخفى اثر حبه

بعد خمس ساعات

بدأت تبرز المسامات واستغربت لانه مكتوب ٢٤ساعه

 

المره اللي بعدها جربته بالأسفنجة وكان توزيعه سهل بس يحتاج سرعه لانه يتحول بسرعه لمات عشان كذا بديت بنص وجهي وبعد ما خلصتها بديت بالنص الثاني

 

نفس الشي بعد فترة المسام بان بس ما تأكسد وثبت

على اني طالعه بالشمس ،،

 

اخر مره استخدمت معاه برايمر وجدا كان جميل

وجهي مات ماتقشر ما تكتل

مابرزت المسامات ثبت ثمان ساعات وبالنسبة لي مع الحجاب

شيء مره حلو فتحته عملية ماتطلع كميات كبيرة ..

 

 

سعره رخيص صح بس جودته عاليه

 

Review: philosophy kit .. مجموعة العنايه بالبشرة من فيلوسفي ..

كنت رايحه لمحل التا وكانت متواجدة خبيرة بشره

قلت لها انه حابه اجرب مجموعه جديده للبشرة بس ابغاها بخط واحد

يعني مو كذا ماركة

شافت بشرتي قالت ما تحتاجين الا ترطيب وغسول وسيروم مكافح للخطوط والتجاعيد

لأنه لازم تستخدمينه بهذا العمر لأنه لو طلعت الخطوط مالها علاج الا تجميلي ..وحبيت انها اخذت التفاصيل

مره كانت كويسه وتعاملها حلو وكلامها مختصر ..

أعطتي هذا المجموعه من 

 philosophy

عبارة عن غسول وسيروم ومرطب ..

وهذا تقييمي عن المجموعه بعد استخدام 45يوم ..

 

 

الغسول Made simple ;

غسول للوجه والعيون .

يوعد المنتج انه 3 اشياء في منتج واحد .. غسول للوجه وتونر وومزيل مكياج العين

كغسول جدا عادي مافيه شيء مميز الا انه مايجفف الوجه

كمزيل للمكياج جدا ممتاز بس له بدائل أرخص مثل غارنيه ..

ما اعتقد انه راح ارجع له ..

 

 

 

المعالج When hope is not enough

السيروم

يوعدني انه يقلل من مظهر الخطوط الرفيعه والتصبغات

ويفتح وينور الوجه ..

 

جدا جميل وراح ارجع اشتريه مره طلع نتايج على الخطوط الرفيعه الي قريبه من عيني

واعطاء وجهي اشراق .. بس عن التصبغات الحمد لله ما عندي فما ادري كيف شغله عليها

يعيبه ريحته بس مجرد مايختفي تختفي الريحة ..

 

 

الترطيب hope in jar

الكريم يحتوي على الاكتيك اسيد اللي يساعد على بشره ناعمه ,

وفيه البيتا جلوكان اللي يساعد البشرة على انها تكون صحيه وفيها مضادات الاكسده ممتازة لحماية البشرة من مؤثرات البيئه السلبية ..

من أفضل الكريمات اللي استعملتها يعطي لمسة ناعمه وومره جميل قبل الميك اب  ..

 

 

 

للاسف انها ماتباع بالسعوديه بس موجوده بسيفورا دبي وتقدرين تطلبيها اون لاين

من امازون او سيفورا ..