السبت، 25 يونيو 2016

Review :: tendre by chanel ,, عطر العيد ل 2016

  من كم سنة وانا كل عيد أخصص عطر جديد ابدأ فيه عيدي

ذوقي بالعطور واضح جدا ما احب أي شيء قوي اتضايق وانكتم

احب الشيء الفرش اللي يحسسني بالنظافة ومايخنقني ..

اميل اكثر شيء للمسك والورود ومؤخرا صرت بعيده عن ريحة الحلويات

 

طبعا رحلة البحث عن عطر كانت صعبة وكنت حاطة ببالي فالنتينو الجديد بس

لما برد شوي ما حبيت الريحة ,, شميت عطر شانيل tendre وحسيت انه مناسب

فحبيت اسوي ريفيو عنه لو بنت نفس ذوقي يمكن يعجبها وتشتريه ..

 

 

مكونات العطر من الموقع :

الطبقة العليا :

قريب فروت وسفرجل

الرشة الاولى فعلا الريحة حمضيات قوية

الطبقة الوسطى :

ياسمين

بالنسبة لي ما احب ريحة الياسمين مرة فما شميتها ولا حسيت فيها

الطبقة الاخيرة :

مسك , وعنبر

وهي الريحة الثابته اذا بردت تكون لطيفة وريحة انتعاش

 

العطر قديم نوعا ما بس سبب اختياري له للعيد لان الوقت جدا صيف ومناسباتنا خارجية يعني باستراحات

فالعطر خفيف بس واضح يناسب ذوقي الخاص بالعطوراللي هو صابوني وفرش  لاني تقريبا مو مغرمة بالعطور

الثقيلة ابدا .. حسيت انه متوازن وواضح يعني يصلح بصباح وليل العيد سوا ..

 

 

 

 

 

 

خلال تجربتي تقريبا اربع مرات حطيته للتجربة وكنت اراقب ثباته

تقريبا ريحته الفواحة ثلاثه ساعات وبعدها بدت تخف لكن الريحة اللطيفة اللي هي المسك

بقت يومين على البجامة

لما رشيته على يدي حسيت ثباته اقوى من على الملابس تقريبا خمس ساعات وهو واضح بعدها

بدا يهدا ويصير بس ريحة لطيفة تحسسني اني فرش ونظيفة ..

 

 

موجود بأغلب المحلات مقل وجوه وفيسس وفافوم ..

100 مل ب555 ريال ..

 

 

هناك تعليق واحد:

Unknown يقول...

http://beba-daily.blogspot.com


تابعيني